ತಾಯೇ ಭಾರತಾಂಬೆ.

                                                              ತಾಯೇ ಭಾರತಾಂಬೆ

ತಾಯೇ ತಾಯೇ ಭಾರತಾಂಬೆ
ಧೈರ್ಯದ ವರವಾ ನೀಡೇ ಅಂಬೆ
ಅಭಯ ಹಸ್ತವ ದಯಪಾಲಿಸೆ ಅಂಬೇ.

ಹಗಲಿರುಳೆನ್ನದೆ ಹೋರಾಡಿದೆವು
ಕೊನೆಗೊಮ್ಮೆ ಸ್ವಾತಂತ್ರವ ಪಡೆದೆವು
ಇನ್ನೆಂದಿಗೂ ನಾವ್ ಅಡಿಯಾಳ್ ಆಗೆವು
ಒಗ್ಗಟ್ಟಿನಲಿ ಸೇವೆಯ ಗೈಯ್ಯುವೆವು.

ಮಳೆ ಬಂದರೂ ಸರಿ, ನೆರೆ ಬಂದರೂ ಸರಿ,
ರಾಷ್ಟ್ರ ಧ್ವಜದ ಗೌರವವನು ಕಾಯುವೆವು
ತಾಯ್ನಾಡಿಗೆಂದಿಗೂ ಕಳಂಕ ಬಾರದಂತೆ
ಉಸಿರಿರೋವರೆಗೂ ಹರುಷದಲಿ ಕಾದಾಡುವೆವು.

ಮಮತೆಯ ಮಡಿಲು ತುಂಬಿರಲಿ
ಪ್ರೀತಿಯ ಹೊನಲು ಹರಿಯುತ್ತಿರಲಿ
ತನು ಮನವೆಲ್ಲಾ ನಿನಗೆ ಅರ್ಪಿಸಿ
ರೋಷ- ದ್ವೇಷಗಳ ತ್ಯಜಿಸುವೆವು ತಾಯೇ..

ಚಂದಾ / ಸವಿತಾ ಇನಾಮದಾರ್.