ಮಾತೆ ಶಾಂಭವಿ

ಮಾತೆ ಶಾಂಭವಿ

ಶಾಂಭವಿ ಶಿವ- ಶಂಕರಿ..

ಕರುಣಿಸೆ ಪರಮೇಶ್ವರಿ

ಹಗಲು ಭಜಿಸುವೆ ಇರುಳು ಜಪಿಸುವೆ

ಶಿರವಬಾಗಿ ನಾ ನಮಿಸುವೆ..

ಕರವ ಪಿಡಿದೆನ್ನಪ್ಪಿ ಹಡಿದೆ

ಮೋಹ - ಮಾಯಾ ಪಾಶದಿಂದ

ಮದ –ಮತ್ಸರಗಳ ಜಾಲದಿಂದ

ಕಾಯ್ದೆಯನ್ನನು ಶಂಕರಿ ..

ದಿಕ್ಕುಗಾಣದೆ ಅಲೆಯುವವರಿಗೆ

ದಿಶೆಯನು ನೀ ತೋರಿದೆ

ಯಶದ ಕಲಶವ ಕೈಯಲ್ಲಿತ್ತೆ

ಮಾತೆ ನೀ ಅಭಯಂಕರಿ.

Chanda / Savita Inamdar.

ಕಾಲಚಕ್ರ

ಕಾಲಚಕ್ರ

ಕಾಲ ಚಕ್ರವೆಂದೂ ದಣಿಯೋದಿಲ್ಲ
 ಹರಿಯುವ ನದಿಯೆಂದೂ ಹಿಂದಿರುಗಿ ನೋಡೋದಿಲ್ಲ

ನೀಯಾಕೆ ದಣಿದೆಯೋ ಮನುಜಾ
ಯಾಕಾದ್ಯೋ ನೀ ಬಡಪಾಯಿ?

ಹಗಲು ರಾತ್ರಿಗಳು ಬಂದು ಹೋಗತ್ತವೆ

ಕಿವಿಯೊಳಗೇನೋ ಹೇಳಿ ಹೋಗತ್ತವೆ

ಇದು ಆ ದೇವರ ಮಾಯೆ

ಒಮ್ಮೆ ಬಿಸಿಲು  ಮತ್ತೊಮ್ಮೆ ಛಾಯೆ.

ಕಪ್ಪು ಮೋಡಗಳೇ  ಬೆಳ್ಳಿ ಮೋಡಗಳೇ

ಆಗಸವನ್ನೆಲ್ಲಾ ಆವರಿಸಿರಲಿ

ಅದೆಷ್ಟೇ ಕರಿ ಬಣ್ಣವ  ಬಳಿದರೂ ಸಹ

ಸೂರ್ಯನ ಕಿರಣವ ತಡೆಯಲಾರವು.

ನೀಯಾಕೆ ನಿಂತೆಯೋ ಮನುಜಾ

ಧೈರ್ಯವನ್ಯಾಕೆ ಕಳೆದುಕೊಂಡೆ ??

ನೀ ಮುಂದ ಸಾಗಬೇಕು ನೀ ಮುಂದಕ್ಕ ಹೋಗಬೇಕು.

ನಿನ್ನನೇ ನೀನು ಮೊದಲು ಗೆಲ್ಲಬೇಕು. 

ಚಂದಾ / ಸವಿತಾ ಇನಾಮದಾರ್.