ಕನ್ನಡಾಂಬೆಯ ಕಣ್ಣೀರು

ಹಲಬುತಿಹಳು ಕನ್ನಡಾಂಬೆ..

ತನ್ನ ಮಕ್ಕಳ ಹುಚ್ಚು ಕಚ್ಚಾಟವ ನೋಡಿ

ಗಡಗಡನೆ ನಡುತಿಹಳು

ಮುಂಬರುವ ವಿನಾಶದ ಮುನ್ಸೂಚನೆಯ ಕಂಡು.

ಸಮರಸದ ಬದುಕಿನಲಿ ದ್ವೇಷದ ಹುಳಿಯ ಹಿಂಡಿ

ಒಡೆದು ಹೋದ ಒಗ್ಗಟ್ಟನ್ನು ನೋಡಿ

ಕುಹಕದಿ ನಲಿವ ದಾಂಢಿಗರ ಕೇಕೆಯನು ಕೇಳಿ

ಕೊರಗುತಿಹಳು ಕನ್ನಡಾಂಬೆ.

ಸಮಯ ಮಿಂಚುವುದಕೂ ಮುನ್ನ

ಎಚ್ಚತ್ತಿಕೊಳ್ಳಿ ಕಂದಮ್ಮಗಳೇ

ಎನ್ನ ಕರುಳ ಬಳ್ಳಿಯನು ಕತ್ತರಿಸದಿರಿ ಮಕ್ಕಳೇ

ಎಂದೆನ್ನುತ ಬಿಕ್ಕುತಿಹಳು ಕನ್ನಡಾಂಬೆ.

ವೀರ ಯೋಧರ ನಾಡಲ್ಲಿ

ಹೇಡಿಗಳ ಹಾವಳಿಯನು ತಡೆದು

ಭಾತೃತ್ವದ ಬೀಜವನ್ನು ಮತ್ತೆ ಬಿತ್ತಿರಿ

ಕನ್ನಡದ ಬಾವುಟವನು ಇನ್ನೂ ಮೇಲಕ್ಕೆತ್ತಿರಿ.

ಚಂದಾ / ಸವಿತಾ ಇನಾಮದಾರ್.

ಅಂಬರ

ಪ್ರತಿ ಬಾರಿ  ಭವ್ಯ ಅಂಬರದಲ್ಲಿ
ಹೊಸ ಹೊಸ ರಂಗನ್ನುಕಾಣುವೆ

ಮೊದಲೆಂದೂ ನೋಡದ  ಮೇಘಗಳಲಿ

ನಾ ಮುಳುಗಿ ಹೋಗುವೆ.

ತನ್ನ ಬಾಹುಗಳಲಿ ಬಂದಿಸಲು ನನ್ನ

ಕಾಯುತಿಹನು ಪ್ರಿಯ ನಲ್ಲ

ಸ್ವರ್ಗ ಸುಖದ ನರ್ತನದಲಿ

ಸವಿಜೇನುಣಿಸಲು ಬಲ್ಲ.

ನಗುವ ಮೋಡಗಳೊಂದಿಗೆ

ನಾ ಓಡಲು ಬಯಸುವೆ

ಮದ ಮತ್ಸರಗಳಿಂದ ದೂರ

ಮುಕ್ತ ಬಾನಲಿ ನಾ ತೇಲುವೆ.

ನಿನ್ನಲ್ಲೊಂದೇ ಬಿನ್ನಹ ಶಿವ

ಕೊಡೆನಗೆ ನಲ್ಲನ ಸಾಂಗತ್ಯ

ಕೊನೆಯುಸಿರಿನ ತನಕ

ಹಸಿರಾಗಿರಲಿ ನಮ್ಮ ದಾಂಪತ್ಯ.

ಚಂದಾ / ಸವಿತಾ ಇನಾಮದಾರ್.

The Sky

Every time I fly

                            I can see new colours in the sky

                            New designs that never repeat

                            Mesmerize me  by their lovely treat

                                                          I can see HIM waiting for me

                                                          Surrounded with cloudy cushions

                                                          Waving at me with his strong arms

                                                          Asking me to join for a heavenly dance.

                            Love to be with these running clouds

                            Far away from those unwanted bouts..

                            I pray God to give me one chance

                            Make me stay in the trance.

.

                                                                                               Chanda / Savita Inamdar.

ಅರಳು ಮಲ್ಲಿಗೆ

ತೆರೆದ ಕಂಗಳಿಂದ ನಿನ್ನ

ದಾರಿಯನು ಕಾಯುತ್ತಾ ಕುಳಿತವಳಿಗೆ

ಕತ್ತಲಾದದ್ದೂ ಕಾಣದಾಯಿತಲ್ಲಾ.

ನನ್ನ ಬಾಡಿದ ಮೊಗವ ನೋಡಿ

ಅರಳಿದ ಮಲ್ಲಿಗೆಯೂ ಸಹ

ಕಂಪು ಬೀರುವುದ ಬಿಟ್ಟು ಸುಮ್ಮನೇ ಕೂತಿಯಲ್ಲಾ.

ಬೇಗ ಬಾ ನಲ್ಲಾ..

ಮುಡಿಸು ಮಲ್ಲಿಗೆಯ ಹೂವ

ನಿನ್ನ ಪ್ರೀತಿಯ ನಲ್ಲೆಗೆ.

ಚಂದಾ / ಸವಿತಾ ಇನಾಮದಾರ್.

ಎಲ್ಲಿರುವೆ ನಲ್ಲಾ ?

ಎಲ್ಲಿರುವೆ ನಲ್ಲಾ ?

ಸೂರ್ಯೋದಯಕ್ಕೂ ಮೊದಲು

ನಾ ಕರೆಮಾಡಿದ್ದೆನಲ್ಲಾ

ಸೂರ್ಯಾಸ್ತವಾಗುತಿದೆ ಇನ್ನೂ

ನಿನ್ನ ಕರೆ ಬರಲಿಲ್ಲಾ.. 

ಕಾಯುವ ನಲ್ಲೆಯ ಬಗ್ಗೆ

ನಿನಗೆ ಕಾಳಜಿ ಇಲ್ಲವೇ?

ಹಗಲೂ ಇರುಳೂ ಕೇವಲ

ನಿನ್ನ ಕಾಯಕವೇ ಮುಖ್ಯವೇ?

ಒಂದೇ ನಲುಮೆಯ ಮಾತು

ಅರಳಿಸುವುದೆನ್ನ ಮನ

ಮತ್ತೆ ಬರೆಯುವಂತೆ ಮಾಡಬೇಡ

ಇಂತಹ ವಿರಹದ ಕವನ. 

ಚಂದಾ/ಸವಿತಾ ಇನಾಮದಾರ್

Cockoo..

U made my day

Waited to hear your voice

More romantic than my poems

Laced with honey…

Cannot buy from money.

You sing for your happiness

Never tried to impress others

Many have tried to copy U

But god has given copy right only to U. 

Chanda / Savita Inamdar.

ಪ್ರೇಮಾಮೃತ

ಕಾಷ್ಟವೆಂದೆಸೆದಿದ್ದ ಬಳ್ಳಿಯಲ್ಲಿಂದು

ಕಂಡಿತೊಂದು ಹೊಸ ಚಿಗುರು

ಪ್ರೀತಿಯ ಸಿಂಚನದಿ

ನಳನಳಿಸಿತು ಹೊಸ ಹಸಿರು

ಇದುವೇ ಸಾಕ್ಷಿ ನಮ್ಮ ಪುನರ್ಮಿಲನಕೆ

ನಿನ್ನ ನಲ್ಲೆಯಾಗುವೆನು ಏಳೇಳು ಜನ್ಮಕೆ

ಹೊಸ ವರ್ಷದ ಆಗಮನದ ಶುಭ ಸಂಕೇತವಿದು

ನಮ್ಮ ಜೀವನದ ಮಧುರ ಪ್ರೇಮಾಮೃತವಿದು.

ಚಂದಾ / ಸವಿತಾ ಇನಾಮದಾರ್.