ಅಂಬರ

ಪ್ರತಿ ಬಾರಿ  ಭವ್ಯ ಅಂಬರದಲ್ಲಿ
ಹೊಸ ಹೊಸ ರಂಗನ್ನುಕಾಣುವೆ

ಮೊದಲೆಂದೂ ನೋಡದ  ಮೇಘಗಳಲಿ

ನಾ ಮುಳುಗಿ ಹೋಗುವೆ.

ತನ್ನ ಬಾಹುಗಳಲಿ ಬಂದಿಸಲು ನನ್ನ

ಕಾಯುತಿಹನು ಪ್ರಿಯ ನಲ್ಲ

ಸ್ವರ್ಗ ಸುಖದ ನರ್ತನದಲಿ

ಸವಿಜೇನುಣಿಸಲು ಬಲ್ಲ.

ನಗುವ ಮೋಡಗಳೊಂದಿಗೆ

ನಾ ಓಡಲು ಬಯಸುವೆ

ಮದ ಮತ್ಸರಗಳಿಂದ ದೂರ

ಮುಕ್ತ ಬಾನಲಿ ನಾ ತೇಲುವೆ.

ನಿನ್ನಲ್ಲೊಂದೇ ಬಿನ್ನಹ ಶಿವ

ಕೊಡೆನಗೆ ನಲ್ಲನ ಸಾಂಗತ್ಯ

ಕೊನೆಯುಸಿರಿನ ತನಕ

ಹಸಿರಾಗಿರಲಿ ನಮ್ಮ ದಾಂಪತ್ಯ.

ಚಂದಾ / ಸವಿತಾ ಇನಾಮದಾರ್.