ಜಾಗೇಶ್ವರ - ಪರಮೇಶ್ವರ

ಜಾಗೇಶ್ವರದ ಬೆಟ್ಟಗಳ

ಕಣಕಣದಲಿ, ಕ್ಷಣ ಕ್ಷಣದಲಿ

ಶಿವ - ಸತಿಯ ವಿಯೋಗದಲ್ಲಿ

ಅಲೆಯುತ್ತಿರುವುದನು ಕಂಡೆ.

ಒಮ್ಮೆ ಲಿಂಗ ರೂಪದಲ್ಲಿ

ಮತ್ತೊಮ್ಮೆ ನಟರಾಜನ ರೂಪದಲ್ಲಿ

ಮಗದೊಮ್ಮೆ ಅರ್ಧನಾರೀಶ್ವರನ ರೂಪದಲ್ಲಿ.

ಆಹಾ..ಏನೆಂದು ಬಣ್ಣಿಸಲಿ ಆ ಲಿಂಗ ಭೈರವನ

ಅದ್ಭುತ ತಾಂಡವ ರೂಪ.

ಗಿಡಮರಗಳೂ ಅವನೊಂದಿಗೆ ನರ್ತಿಸುವುದ ಕಂಡು

ದೂರವಾಗುವುದು ಮನದ ತಾಪ. 

ಸವಿತಾ ಇನಾಮದಾರ್

ಪ್ರೇಮ ಸಂದೇಶ-

ನಲ್ಲನ ಪ್ರೇಮ ಸಂದೇಶವ ಕೇಳಿ
ನಲ್ಲೆಯ ಕಪೋಲ ಕೆಂಪಾಯಿತು
ಸೂರ್ಯನ ಕಣ್ಸನ್ನೆಯ ಕಂಡು

 ಚಲಿಸುವ ಮೋಡವೂ ಕೆಂಪಾಯಿತು..

ಪ್ರಿಯತಮನ ಪಿಸು ಮಾತಿನಲ್ಲಿ

ಸವಿ ಜೇನು ತುಂಬಿತ್ತು

ಬೇಗ ಸೇರುವಾ ಎಂಬ

ಸಂಕೇತ ಸಾರುತ್ತಿತ್ತು.

ಇನಿಯನ ಬಾಹು ಬಲದ ಬಿಗಿತದಲ್ಲಿ

ಅಮಿತವಾದ ಸುಖ

ಆ ಕ್ಷಣ ಬೇಗ ಬರಲೆಂದು

ಕಾಯುತ್ತಿರುವೆ ಎನ್ನ ಪ್ರಾಣ ಸಖಾ.  

ಚಂದಾ / ಸವಿತಾ ಇನಾಮದಾರ್.  

दर्शन दे मा दर्शन दे.._/\_..

दर्शन दे मा दर्शन दे।

दर्शन दे मा दर्शन दे।

मुझे जीने की तू शक्ति दे ।

दर दर भटकी तेरे गलियारोमें

पहुंचन पायी तेरे दरबारों में

ऒ मां…तू कहा? ऒ मां…तू कहा?? 

एक बार मुसुकावो मां

एक झलक दिखलावो मां  

मुझसे सीने से लगालो मां ॥१॥

                     घॊर अंधियारा छा रहा हैं

                     काले बादल बरस रहे हैं            

                    ऒ मां…तू कहा? ऒ मां…तू कहा?? 

                     एक किरण दिखलादो मां

                     हाथ मेरी तुम थामॊं मा

                     मुझसे दूर मत जावॊ मां,ऒ मां ॥२॥

कण –कण में तुम्हॆं ढूंढ रही थी

तुम मेरे हृदय में ही बसी हुयी थी

ऒ मां तू यहां.. ऒ मां तू यहां..

करुना की तेरी प्यासी हूं

आंगन की तेरी वासी हूं

जनुम जनुम की तेरी दासी हूं..ऒ मां

जनुम जनुम की तेरी दासी हूं ॥३॥

सविता इनामदार. 

ಯುಗಾದಿ

ದುರ್ಮುಖಿನಾಮ ಸಂವತ್ಸರವಿದ್ದರೂ ನಲ್ಲಾ..

ಸುಮುಖಿಯಾಗಿಸಿ ಬಾ ಸವಿಯೋಣ ಬೇವು ಬೆಲ್ಲ.

ಈ ಬೆಲ್ಲದ ಸಿಹಿ ಮರೆಸುವುದು

ಜೀವನದಲ್ಲಿ ಬರುವ ಬೇವಿನಂತಹ ಕಹಿಯನ್ನು.

ಎರಡರ ಸಮರಸದಿಂದ

ಸಾಗಿಸೋಣ  ನಮ್ಮ ಬಾಳ ನೌಕೆಯನ್ನು.

ಒಲವಿನ ಮಾತಿನಿಂದ

ಮರೆಸುಯುವೆ ನಿನ್ನೆ ಸಿಡುಕಿದ್ದನ್ನು

ನನ್ನ ಚಿನ್ನಾ ಎಂಬ ಮೃದು ಕರೆಯಲ್ಲಿ

ಮರೆಸುಯುವೆ ನನ್ನಿರುವನ್ನು.

ಯುಗ-ಯುಗಗಳೇ ಕಳೆದರೂ

ಅಳಿಯದೆಮ್ಮ ಪ್ರೀತಿಯ ಬೆಸುಗೆ

ನೀ ನನ್ನವನಾಗಿರುವುದೇ

ಎನಗೆ ಪ್ರತಿ ಯುಗಾದಿಯ  ಕೊಡುಗೆ !!

ಚಂದಾ / ಸವಿತಾ ಇನಾಮದಾರ್

ಚಂದಾ / ಸವಿತಾ ಇನಮದಾರ್.

ರಂಗಿನೋಕುಳಿ

ನಮ್ಮ ಪ್ರಥಮ ಮಿಲನದ ಆ ಮಧುರ ಕ್ಷಣಗಳು 

ಮತ್ತೆ ಮತ್ತೆ ನೆನಪಾಗುತಿವೆಯಲ್ಲಾ ನಲ್ಲಾ..

ಆಹಾ..ಅದೆಂಥಾ ಅಪೂರ್ವ ಪಯಣ !!

ನಿನ್ನ ಬಲಿಷ್ಠ ಭುಜದ ಮೇಲೆ

ನಾ ಮೈಮರೆತು ಮಲಗಿದ್ದೆ

ನನ್ನನ್ನು ಎಬ್ಬಿಸದೇ ನೀ ನಿದ್ದೆಗೆಟ್ಟಿದ್ದೆ.

ನನ್ನ ಮುಂಗುರುಳ ಚೆಲ್ಲಾಟ

ನಿನ್ನ ಆ ನೇರ ನೋಟ,

ಇನ್ನೂ ಎನ್ನ ಮೈ ನವಿರೇಳುತಿದೆ.

ಥಟ್ಟನೇ ಕಂಗಳು ಒಂದಾದಾಗ

ಎಲ್ಲೆಡೆಗೂ ರಂಗಿನೋಕುಳಿ ಚಿಮ್ಮಿತ್ತು

ನಾಚಿ ನೀರಾಗಿ ಮಾತೇ ಬಾರದಾಗಿತ್ತು.

ನಮ್ಮೀರ್ವರ ಮಧುರ ಮಿಲನಕೆ

ಆ ಪರಶಿವನ ಅನುಗ್ರಹವಿತ್ತು.

ಅಪರಿಚಿತನ ಪರಿಚಯವಾಗಲು 

ಪುನರ್ಜನ್ಮದ ಬಂಧನವೇ ಕಾರಣವಾಗಿತ್ತು. 

ಜೀವನದಲ್ಲಿ ರಂಗು ತುಂಬಿದವನ

ಹೃದಯದಲ್ಲಿ ಎನಗೆ ಸ್ಥಾನ ಮಾನ ಸಿಕ್ಕಿತ್ತು.

. ಚಂದಾ/ ಸವಿತಾ ಇನಾಮದಾರ್.

ಹುಲ್ಲ ಹಾಸಿಗೆ....

ಇನಿಯನ ಆಗಮನಕ್ಕಾಗಿ ಕಾಯುತ್ತಿಹಳೀ ಭಾಮಿನಿ
ಜನುಮ ಜನುಮಕ್ಕೂ ಬೇಕೆನಗೆ ಸ್ವಾಮಿ ನೀ

ನೀ ಜೊತೆಯಿದ್ದರೆ ಬೇಡೆನಗೆ ಆ ಅರಮನೆಯ ಸುಪ್ಪತ್ತಿಗೆ
ಸಾಕೆನಗೆ ರಾಗಿಯ ಮುದ್ದೆ ಒಪ್ಪೊತ್ತಿಗೆ.

ಬಾ ಬೇಗ ನಲ್ಲಾ ರಾತ್ರಿಯಾಗುತ್ತಿದೆ

ಬರುವುದೆಮಗೆ ಈ ಹುಲ್ಲ ಹಾಸಿಗೆಯಲ್ಲೂ ಗಾಢ ನಿದ್ದೆ.

ಚಂದಾ / ಸವಿತಾ ಇನಾಮದಾರ 

ಕೆಂಪಾಯಿತು ಬಾನು

ಕೆಂಪಾಯಿತು ಬಾನು

ನಲ್ಲಾ..

ನಿನ್ನ ಆಲಿಂಗನದ ಸ್ವರ್ಗ ಸುಖದಲ್ಲಿದ್ದವಳಿಗೆ

ಬೆಳಗಾದದ್ದೇ ತಿಳಿಯಲಿಲ್ಲ..

ಮತ್ತೆ ವಿರಹದ ನೋವ ಕೊಟ್ಟು

ಎನ್ನನಗಲಿ ನೀ ಹೋಗೇ ಬಿಟ್ಟೆಯಲ್ಲ?

ಒಬ್ಬಂಟಿಯಾದಾಗ ಏನೂ ರುಚಿಸದೆನಗೆ

ನನ್ನ ನೋವು ಕಾಣದೇ ನಿನಗೆ?.

ನೀನಿರದೆ ಸಿಹಿಯೂ ಕಹಿಯಾಗುವುದು

ಹಸಿವೆಯೂ ಮಾಯವಾಗುವುದು.

ಕಾತರದಿ ನಿನ್ನಾಗಮನಕೆ

ಕಾಯುತಿವೆ ಎನ್ನ ಕಂಗಳು

‘ಚಿನ್ನಾ’ ಎಂಬ ಸವಿ ನುಡಿ ಕೇಳಲು

ಕಾಯುತಿವೆ ಎನ್ನ ಕಿವಿಗಳು.

ನನ್ನ ಪ್ರೀತಿಯ ಆಳ ಅರಿತ

ಆ ಬಾನೂ ಸಹ ಕೆಂಪಗಾಪಾಯಿತು

ಮುತ್ತಿನ ಮಳೆಗೆ ಕಾಯುತ್ತಿದ್ದ

ಇಳೆಯೂ ತಂಪಾಯಿತು.

ಮುಸ್ಸಂಜೆಯಾಯಿತು ಬಂದೆನ್ನ ಸೇರು ನಲ್ಲ

ಇನ್ನುಈ ವಿರಹದ ಬೇಗೆಯನ್ನು ನಾ ತಾಳೆನಲ್ಲಾ.

ಸವಿತಾ ಇನಾಮದಾರ್.