Followers

Friday, 3 May 2013

ಎಚ್ಚರ ಮತದಾರ ಎಚ್ಚರ.




 ಎಚ್ಚರನಾಗು  ಮತವನ್ನು ನೀಡುವ ಓ ದಾನಿಯೇ
ಈ ಬಾರಿಯಾದರೂ ನೀ ಎಚ್ಚರನಾಗು.
ಅವರಿವರ ಜೋರು ದನಿಯನ್ನು ಕೇಳಿ ಬೆಚ್ಚಿ  ಬೀಳದಿರು
ನಿನ್ನ ಒಳಿತನ್ನು ಬಯಸುವ ದನಿಯನ್ನು ಗುರುತಿಸಲು
ಈಗಲಾದರೂ ಎಚ್ಚರನಾಗು.
ಇಲ್ಲದಿರೆ ನಿನಗೇ ಹುಚ್ಚು ಹಿಡಿಸಿಯಾರು
ಇವತ್ತೊಬ್ಬರು ನಾಳೆ ಮತ್ತಿನ್ನೊಬ್ಬರು.

ಚಂದಾ / ಸವಿತಾ ಇನಾಮದಾರ್.

Thursday, 2 May 2013

ಅಪಘಾತ



ಆಘಾತ ಪಡದಿರು ನೀನು
ಮೊದಲ ಬಾರಿ ನೋಡುತ್ತಿರುವಿಯೇನು??

ಇದುವೇ ರಾಜಧಾನಿ ದೆಹಲಿ
ಜನ ಸಾಯುವರು ಅಲ್ಲಿ- ಇಲ್ಲಿ.

 ಸಾಗರದ ತೆರೆಯಂತೆ ನೋಡಿದೆಡೆ ಜನಸಂಖ್ಯೆ
ಸಾಲದಾಗಿದೆಯಲ್ಲಾ ಇದ್ದ ಸೌಕರ್ಯ ಜೋಕೆ !!

ಸವಡಿಲ್ಲದವರ ಹಾಗೆ ಓಡುವರು ನೋಡಿಲ್ಲಿ
ಕೊಚ್ಚಿಕೊಂಡು ಹೋಗುತಿಹರು ‘ ಅಪಘಾರದ ಸೆಳವಿನಲ್ಲಿ. 

ಯಮದೂತರಂತೆ ಬರುತ್ತಿಹವು ವಾಹನ
ಸೊಳ್ಳೆಯ ಹಾಗೆ ಹೊಸಕುವವ ಮುಗ್ಧ ಜನರ ಜೀವನ.

ಅತೀ ವೇಗದಿ  ನಡೆಸದಿರು ನೀ ವಾಹನ ಚಾಲಕ
ನೀನೇ ನಿನ್ನ ಅಮೂಲ್ಯ  ಜೀವನದ ಮಾಲೀಕ. 

ನಿನ್ನ ತಪ್ಪಿಲ್ಲದಿದ್ದರೂ ಅದಕ್ಕೆನ್ನುವರು ‘ಅಪಘಾತ’
ನೀ ಹುಶಾರಾಗಿರದಿದ್ದರೆ ಆಗುವುದು ಬಲು ದೊಡ್ಡ ಅನಾಹುತ. 

ಚಂದಾ / ಸವಿತಾ ಇನಾಮದಾರ್.

Monday, 29 April 2013

ಚುನಾವಣಾ ಅಭ್ಯರ್ಥಿ-




ತನ್ನ ಮನೆಯಲ್ಲಿ ಮುಚ್ಚಿಡುವನು ಅನ್ನ
ಇತರರ ಮನೆಗೆ ಹಾಕುವನು ಕನ್ನ. 
ತಲೆಬಾಗಿ  ಹಲ್ಕಿರಿಯುವನು 
ಓಟು ಕೊಡುವವರೆಗೆ 
ಕುರ್ಚಿಯ ಮೇಲೆ ಕುಳಿತೊಡನೆ 
ಹುಡುಕಿದರೂ ಕಾಣನವನು ಕೆಳಗಿಳಿಯುವವರೆಗೆ.
ತನ್ನ ಗೇಣು ಹೊಟ್ಟೆಯ ನೆಪದಲ್ಲಿ
ಇತರರಿಗೆ ನೇಣು ಹಾಕುವನು ಈ ನಯವಂಚಕ
ಈ ಬಾರಿಯಾದರೂ ಎಚ್ಚರದಿ, ಒಮ್ಮತದಿ ಆರಿಸಿ ತನ್ನಿ
ಆಗಲಿ ಆತ ನಿಮ್ಮ 'ಹಿತಚಿಂತಕ'.

 ಚಂದಾ / ಸವಿತಾ ಇನಾಮದಾರ್

ಓ ನನ್ನ ಒಲವೇ




ಓ ನನ್ನ ಒಲವೇ
ನೀ ಇನ್ನೂ ಎಲ್ಲಿ ಕುಳಿತಿರುವೆ ??
ಮುಂಜಾನೆಯಿಂದ  ನಿನ್ನ ಸನಿಹಕ್ಕಾಗಿ
ಪರಿತಪಿಸುತ್ತಾ  ನಾ ಕಾಯುತ್ತಿರುವೆ.
ನಿನ್ನಾಲಿಂಗನದಲ್ಲಿ ನನ್ನನ್ನೇ ನಾ ಮರೆಯುವೆ
ಬಾರೆಯಾ ನೀ ಬೇಗಾ ಯಾಕೆ ಹೀಗೆ ಕಾಡುವೆ??
ಬಿಡು ನಿನ್ನ ಈ ಮೊಂಡಾಟ  ಎನಗೆ ಹೊಸದೇನಲ್ಲಾ
ಹಾಗಾಗೇ ಆ ಬ್ರಹ್ಮ ನಮ್ಮಿಬ್ಬರ ಗಂಟು ಹಾಕಿರುವನಲ್ಲಾ.
ಚಂದಾ / ಸವಿತಾ  ಇನಾಮದಾರ್.

Thursday, 11 April 2013

ಉಗಾದಿ



ಉಗಾದಿ
ಅನಾದಿ ಕಾಲದಿಂ ಬರುತಿಹುದು ಉಗಾದಿ
ಇದುವೇ  ನಮ್ಮ ಹೊಸ ವರ್ಷದ ಹೊಸತನದ ಬುನಾದಿ..
ಜೀವನದಲ್ಲಿ ಹೊಸ ಹಸಿರು ಚಿಗುರುವುದು,
ಬೇವು ಬೆಲ್ಲದೊಡನೆ  ಮಿಲನವಾಗುವುದು.

ವಿಜಯನಾಮ ಸಂವತ್ಸರದಲಿ
ಜಯದ  ಘೋಷ ಮೊಳಗಲಿ
ಅನುದಿನವೂ ನವೋಲ್ಲಾಸ  ಸಿಗಲಿ…  
ಎಲ್ಲೆಡೆಗೂ ಹರುಷದ ಹೊನಲು ಹರಿಯಲಿ..